Ögrun er hálfsystir Gásku en hún var aldrei tamin. Hún hefur samt reynst býsna vel í ræktuninni og gefur virkilega myndarleg hross, þrjár elstu hryssurnar fóru í góð önnur verðlaun. Yfirleitt er klárgangurinn góður í afkvæmum hennar svo og fótaburður, þau hafa öll verið mjög auðtamin og traust í lund. Ögrun er sjálf gríðarlega lofthá og myndarleg hryssa sem sýnir allan gang og er algert geðprýðishross að auki.