| 12.02.2008 13:28:01, snerpa |
Í jan 1929 keypti hrossaræktarfélag Álftanesshrepps í Mýrasýslu hestinn fyrir 800 kr
Sýningar:
1928 Staðarbakki (í Miðfirði) - I verðlaun. Eigandi: Þórður Guðmundsson, Þorkelshóli. Stærð: 139 cm
Lýsing: Fríður, mjög harður, fjörlegur, fínn, reistur, réttur, vel settir fætur að kalla réttir.
1929 Svignaskarð - I verðlaun. Eigandi: Hrossaræktarfélag Álftanesshrepps.
1932 Borg - I verðlaun. Eigandi: Hrossaræktarfélag Álftanesshrepps.
Lýsing: Þá nefndur Víðir
1935 Borg - I verðlaun. Eigandi: Hrossaræktarfélag Álftanesshrepps.
1935 Borg - I verðlaun fyrir afkvæmi. Eigandi: Hrossaræktarfélag Álftanesshrepps.
1939 Langárfoss - I verðlaun. Eigandi: Hrossaræktarfélag Álftanesshrepps.
1942 Smiðjuhóll - I verðlaun. Eigandi: Hrossaræktarfélag Álftanesshrepps.
Lýsing: Fléttar framan, kjúkusnúinn vinstri afturfæti
1942 Ferjukot - II verðlaun. Eigandi: Hrossaræktarfélag Álftanesshrepps.
Árið 1929 keypti Hrfél. Álftaneshrepps Víði og notaði hann til ársins 1943. Víðir var leigður (í hestaskiptum) árið 1937 út í Melasveit, og sumarið 1942 var hann notaður í Lundareykjadal. Notaður í Þykkvabæ til undaneldis. Víðir gaf sterk og þrifagóð hross, vinnuviljug og skap hörð, fremur gróf og klárgeng. (GB, Æ&S I)
Víðir frá Þorkelshóli hefir óvenju trausta og holna byggingu, er skörungur í lund, en nokkuð skapharður, og líkjast börnin honum flest að þessu. Mörg þeirra virðast hafa harðan vilja og sum þeirra mikið fjör. Einnig bendir sú litla reynsla, sem fengin er, í þessa sömu átt. Mest fannst mér þó til um, hve tryppin voru stór, réttvaxin, þroskamikil og gengu vel undan vetri. Þó flest útistaðin. Var mikill munur þeirra og mæðra þeirra. (TA, Búnaðarrit 1936)
Í Álftaneshreppi eru menn lengst á veg komnir með að mynda samstæðan og kynfastan stofn út af Víði frá Þorkelshóli í Vlðidal, ættb. 120. Víðir hefur reynzt ágætlega, gefið vel vaxin, hraust, myndarleg og þrifleg hross, klárgeng og ólöt. Þau eru því sérstaklega vel fallin til dráttar. Víðir hefur fengið 1. verðlaun fyrir afkvæmi tvisvar sinnum. (GB, Búnaðarrit 1943) |
